

D2606

།འགྲོ་ཀུན་སྐུ་གསུམ་ཐོབ་པར་ཤོག་། ཝ་དྷཱུ་ཏཱིས་མཛད་པ་རྫོགས་སོ།། །།[་]@##། །རྒྱ་གར་སྐད་དུ། ཨཱརྱ་མཉྫུ་ཤྲཱི་སཱ་དྷ་ན་ནཱ་མ། བོད་སྐད་དུ། འཕགས་པ་འཇམ་དཔལ་གྱི་སྒྲུབ་ཐབས་ཞེས་བྱ་བ། འཇམ་དཔལ་ཡེ་ཤེས་སེམས་ དཔའ་ལ་ཕྱག་འཚལ་ལོ།།དཔལ་ལྡན་སངས་རྒྱས་ཀུན་གྱི་བདག་།རིགས་གསུམ་བདག་པོ་ཡེ་ཤེས་སྐུ། །རྗེ་བཙུན་འཇམ་དཔལ་ཕྱག་འཚལ་ཏེ། །དེ་ཉིད་རྗེས་དྲན་ཆོ་ག་བཤད། །སྒྱུ་འཕྲུལ་དྲ་བའི་ལུགས་ཉིད་ཀྱིས། །གང་ཞིག་ཡང་དག་མངོན་དབང་བསྐུར། །རྗེས་ གནང་ཐོབ་པའི་སྒྲུབ་པ་པོ།།དེང་འདིར་ཡིད་ལ་གནས་དག་ཏུ། །བདེ་བའི་སྟན་ལ་ཉེར་འདུག་སྟེ། །གཤིན་རྗེའི་དགྲའམ་ཞལ་དྲུག་ལ། །ཁྲོ་བོའི་རྒྱལ་པོས་བསྲུང་བར་བྱ། ཨོཾ་ཧྲཱི་ཀཱ་ལ་རཱུ་པ་ཧཱུཾ་ཁ་ཧཱུཾ་སྭཱ་ཧཱ། ཨཱཿཡ་མཱནྟ་ཀ་ཧཱུཾ། དེ་ནས་གཤིན་རྗེ་གཤེད་པོའི་སྔགས། །ོཾ་ ཨཱཿཧཱུཾ་ཞེས་བྱ་བ་འདིས།མཆོད་པ་རྣམས་ཀྱིས་ཡང་དག་མཆོད། །ཚངས་པའི་གནས་པ་བཞི་ཡང་བསྒོམ། །དེ་ནས་ཆོས་ཀུན་དངོས་མེད་པར། །རང་གི་བློ་ཡི་རྣམ་པར་བསྒོམ། །ོཾ་པྲ་ཀྲྀ་ཏ་པ་རི་ཤུདྡྷཿ། སརྦ་དྷརྨཱ་ཡ་དུ་ཏ། སརྦ་ཏ་ཐཱ་ག་ཏ་ཛྙཱ་ན་ཀཱ་ཡ། མཉྫུ་ཤྲཱི་པ་རི་ཤུདྡྷི་ཏ་མུ་ པ་རཱ་ཡ་ཏི།དེ་ནས་ཐམས་ཅད་སྟོང་པ་ལས། །པཾ་ལས་བྱུང་བ་པདྨ་ལས། །ཟླ་བའི་དཀྱིལ་འཁོར་ཨ་ལས་བྱུང་། །དེ་དབུས་ཡི་གེ་ཨ་དཀར་ལས་བསྐྱེད་པ། །རྣམ་སྣང་ཆེ་མཆོག་ཞི་བ་སྐུ་མདོག་དཀར། །བྱང་ཆུབ་མཆོག་གི་ཕྱག་རྒྱ་མཉམ་པར་འཛིན། ། སངས་རྒྱས་སེང་གེའི་གདན་བཞུགས་བདག་ཉིད་བསྒོམ། །དེ་ཡི་ཐུགས་ཀར་དྷཱིཿལས་བྱུང་བ་ཡི། །པདྨའི་སངས་རྒྱས་རྣམ་པར་བསམ་པར་བྱ། །གདོང་ལྔ་གཙུག་ཕུད་ལྔ་དང་ལྡན། །ཟུར་ཕུད་ལྔ་པ་མེ་ཏོག་ཐོད། །དང་པོའི་སངས་རྒྱས་དེ་ཡི་ཐུགས་ཀར་ཡང་། །ཤེས་རབ་འཁོར་ལོ ཉེས་ཀུན་སེལ་བ་བསྒོམ།།པདྨར་གྱུར་པ་འཁོར་ལོ་དེ་དབུས་སུ། །ཡེ་ཤེས་སེམས་དཔའ་རྣམ་པར་བསྒོམ་པར་བྱ། །སྠི་ཏོ་ཧྲྀ་དི་ཛྙཱ་ན་མཱུརྟི་ར་ཧཾ། བུདྡྷོ་བུདྡྷཱ་ནཱཾ། ཏྲྱ་དྷཱབརྟི་ནཱཾ། ཞེས་བྱ་བ་དང་། ལྟེ་བ་དང་བཅས་མུ་ཁྱུད་ནང་མ་གཉིས། །དེ་ནས་རྩིབས་རྣམས་རིམ་པར་ལྡན་པ་ལ། ། དེ་ནས་ཡང་ནི་ཕྱི་ཡི་མུ་ཁྱུད་གཉིས། །དེ་ལ་རྩ་བའི་སྔགས་སོགས་རིམ་བཞིན་དགོད། །ཡེ་ཤེས་སེམས་དཔའ་པདྨ་ཟླ་བར་གནས། །དེ་སྟེང་རྡོ་རྗེ་སྐྱིལ་ཀྲུང་ལེགས་བཞུགས་པ། །ཕྱག་གཉིས་ཏིང་འཛིན་ཕྱག་རྒྱ་ཨུཏྤལ་མཚན། །དེ་སྟེང་ཤེས་རབ་པུསྟིས་གཉིས་ཀ་བརྒྱན། ། ཉི་མ་འཆར་ཀའི་དཀྱིལ་ལྟར་མཛེས། །སེན་མོའི་འོད་ནི་ཤས་ཆེར་དམར། །ཅོད་པན་བཟང་པོ་མཐོན་ཀའི་རྩེ། །སྐྲ་མཆོག་མཐོན་ཀ་ཆེན་པོ་ཅན། །ནོར་བུ་ཆེན་པོ་འོད་ཆགས་དཔལ། །སངས་རྒྱས་སྤྲུལ་པའི་རྒྱན་དང་ལྡན། །ཞེས་བྱའོ། །ོཾ་སརྦ་དྷརྨཿ་བྷཱ་བ། སྭ་བྷཱ་བ། བི་ཤུདྡྷ་བཛྲ་ཨ་ཨཱ་ཨཾ་ཨཿ། ནང་གི་མུ་ཁྱུད་མཆོག་ལའོ། ། ཨཱ་ཨི་ཨཱི་ཨུ་ཨཱུ་ཨེ་ཨཻ་ཨོ་ཨཽ་ཨཾ་ཨཿ། ཕྱི་རོལ་མ་ལའོ། །དེ་ནས་འཁོར་ལོ་རྩིབས་དྲུག་ལ་ཤར་ནས་བརྩམས་ཏེ་སྔགས་ཀྱི་རྒྱལ་པོ་དྲུག་དྲུག་གོ། ། ཨཱ་སརྦ་ཏ་ཐཱ་ག་ཏ་ཧྲི་ད་ཡ། ཧ་ར་ཧ་ར། ཨོཾ་ཧཱུཾ་ཧྲཱིཿ། བྷ་ག་བཱན། ཛྙཱ་ན་མཱུརྟི་ཝཱ་གཱི་ཤྭ་ར། མ་ཧཱ་ཝ་ཙ་སརྦ་དྷརྨཱ་ག་ག་ན། ཨ་མ་ལ་སུ་པ་རི་ཤུདྡྷ། དྷརྨ་དྷཱ་ཏུ་ཛྙཱ་ན་གརྦྷ་ཨཱཿ། མུ་ཁྱུད་ཕྱི་རོལ་མ་ལའོ། །དེའི་ཕྱི་རོལ་ཀ་ལ་སོགས་པའོ། །ཛཿཧཱུཾ་བཾ་ཧོཿས་དགུག་པ་ལ་སོགས་པའོ། །ོཾ་ཨཱཿཧཱུཾ། དེ་ནས་མངོན་པར་དབང་བསྐུར་ཏེ་མི་བསྐྱོད་པས་ནི་དབུ་བརྒྱན པའོ།།ཡེ་ཤེས་སེམས་དཔའི་ཐུགས་ཀའི་ས་བོན་ལས་འོད་ཟེར་འཕྲོས་ཏེ་སླར་བསྡུ་བར་བྱའོ། །དངོས་པོ་ཐམས་ཅད་ཀྱི་དེ་ཁོ་ན་ལྷག་པར་རྟོགས་པས་ཆོས་ཐམས་ཅད་ལ་ཡང་འཇམ་པའི་དཔལ་དུ་བྱེད་ཅིང་། འདི་ལྟར་སངས་རྒྱས་བཅོམ་ལྡན་འདས། །ཞེས་བྱ་བ་ལ་སོགས་ པས་སྙིང་གའི་ཡེ་ཤེས་སེམས་དཔའ་དང་།མཉམ་པར་སྦྱོར་ཞིང་སྔགས་ཀྱི་ཚིག་གི་མིང་དག་གདོན་ནོ། །ོཾ་ཨཱཿཧཱུཾ་མུཿ། སླར་ཡང་ཁྲོ་བོ་གཉིས་གང་ཡང་རུང་བས་བསྲུང་ལ་ལངས་ཏེ། ཕྱི་རོལ་ཏུ་ཨ་ཀཱ་རོ་ལ་སོགས་པས་གཏོར་མ་སྦྱིན་ནོ། །འདི་ལྟར་དུས་གསུམ་དུ་སྟེ། རྣལ་ འབྱོར་གྱི་དུས་མ་ཡིན་པར་ནི་འཇམ་པའི་དཔལ་གྱི་སྔགས་གང་འདོད་པ་བཟླས་པའམ།མཆོད་རྟེན་བྱ་ཞིང་བསྐོར་བ་ལ་སོགས་པ་བྱའོ། །འཕགས་པ་འཇམ་དཔལ་གྱི་སྒྲུབ་ཐབས་མྱ་ངན་མེད་པའི་དཔལ་གྱིས་བྱས་པ་རྫོགས་སོ།། །།རྒྱ་གར་གྱི་མཁན་པོ་ཨ་ཤྭོ་ ་ཀ་ཤྲཱི་དང་།